諾諾遊記-恐龍歷險世界遊樂場？(坪石遊樂場）
諾諾係恐龍迷，一知道將會睇恐龍就餅都唔食話要出門口😅，今日我哋就嚟到坪石遊樂場啦
遊樂區主要分為三部分：海怪X海盜船區（適合幼兒）,城堡X恐龍骨區（適合3歲以上）, 鞦韆X 巨蚌（適合幼兒）。
坪石遊樂場十分適合小朋友訓練想像力扮演，家長可可以一同扮演一場場驚險之旅👍
有咩玩？介紹下...
😎海怪造型留影-諾諾竟然話驚, 實在難得
🚢海盜船搖搖-真係好搖晃，小朋友坐好扶穩先好開始搖
🕍兩層高城堡大冒險-多條滑梯上上落落點玩都得
🏦城堡下櫃檯服務-諾諾最鍾意嘅櫃檯扮演
🏗️油壓升降機-好高下，建議兩歲半以上由家長從旁照顧下玩，諾諾只玩咗一次。
城堡跳板-類似海盜船跳板，小朋友跳得好開心
😎恐龍頭骨留影-影相一流
🦖恐龍化石洞-小朋友入洞探究恐龍化石，好新奇啊👍
🐾化石洞秘道-洞口旁邊有秘道，小朋友一一前往探險。
😉鞦韆-有幼兒鞦韆，諾諾好鍾意玩，話變咗機械人。
🐚巨蚌留影-小朋友經過探險之旅終於搵到寶藏啦
👏👏👏👏👏👏👏👏👏
諾媽感想：遊樂場設施大小朋友都啱玩，環境乾淨衛生，地方夠晒大，唯一要注意：無樹蔭！！！所以會曬，要避免中午時分可能會太熱，記得做好防曬同飲多d水。
點去：坪石遊樂場如非自駕去，有d難度，諾媽係由彩德邨經天橋，有部電材（新開）上三樓，一出直達彩興苑（新樓），旁邊就係坪石遊樂場啦👍
#恐龍遊樂場 #睇恐龍 #城堡公園 #親子好去處 #香港親子 #坪石遊樂場 #諾諾遊記
Search